Бош мураббий Миржалол Қосимов ва унинг ассистентлари бошчилигида ўтган расмий машғулотда 17 нафар футболчи қатнашди: дарвозабонлар - Игнатий Нестеров ва Муроджон Зухуров, футболчилар Акмал Шораҳмедов, Абдуқаҳҳор Хожиакбаров, Дилшод Жўраев, Анвар Ғофуров, Марко Блажич, Игорь Таран, Александр Пищур, Лутфулла Тўраев, Алибобо Раҳматуллаев, Артём Филипосян, Камолиддин Мурзоев, Жасур Ҳасанов, Сардор Рашидов, Баҳодир Пардаев, Олег Зотеев. Ҳамма ўйинчилар соғ саломат ва баҳсга жиддий хозирлик кўришмоқда.
"Поханг Стилерз"нинг уй аренаси - "Стильярд" стадиони 20 минг мухлисга мўлжалланган. Эртанги баҳсга таҳминан 7-8 минг ишқибоз ташриф буюриши кутилмоқда.
Бугун кундузи Поханг шаҳрида ёмғир ёғди. Бироқ "Бунёдкор"нинг машғулоти бошланиш арафасида ёмғир тинганди.
Эслатиб ўтамиз, "Поханг Стилерз" - "Бунёдкор" учрашуви 30 апрель куни Тошкент вақти билан соат 15:00да старт олади. Ўзбекистонлик ишқибозлар учрашувни "Спорт" телеканали орқали томоша қилишлари мумкин. Шунингдек, клубимимиз сайтида Похангдаги баҳсдан матнли он-лайн трансляция ҳам олиб борилади.
