Ўтган ёзда аргентиналик мутахассис Маурисио Почеттинонинг "Челси" бош мураббийи лавозимидан четлатилиши Лондон клуби хўжайинлари Тодд Боэли ва Беҳдад Эгбали ўртасидаги можаронинг асосий сабабларидан бирига айланган.
Манбага кўра, Боэли Почеттинони клубда қолдириш тарафдори бўлган. Англия Премьер-лигасининг сўнгги мавсуми якунида америкалик тадбиркор интервью бериб, аргентиналик мутахассис билан ишлашни давом эттириш ниятида эканлигини маълум қилди.
Бироқ, Эгбали "кўклар"нинг иккита спорт директори билан бирга клубдаги биринчи куниданоқ Почеттино ҳақида шубҳалари бор эди. Уларнинг фикрича, 52 ёшли мутахассис Лондон клубига на ривожланиш стратегияси, на шахсий фазилатлари бўйича мос келмасди.
