Ўзбекистон Республикаси Президентининг 2024-йил 28-майдаги 195-сонли “2024-йилги Футзал бўйича Жаҳон чемпионатига тайёргарлик кўриш ва ўтказиш чора-тадбирлари тўғрисида”ги Қарорига мувофиқ 14-сентябрдан 6-октябрга қадар Тошкент, Андижон ва Бухоро шаҳарларида бўлиб ўтадиган футзал бўйича ФИФА Жаҳон чемпионати мухлислари учун жамоат транспорти бепул бўлади.

Бу ҳақда Ўзбекистон Транспорт вазирлиги матбуот хизмати маълум қилди.

Шунингдек, Жаҳон чемпионати учун аккредитациядан ўтган шахслар, мундиал ўйинларига чипталари мавжуд бўлган хорижий ва маҳаллий мухлислар учун темир йўл чипталарига 50 фоиз миқдорида чегирмалар жорий этилади.

Жумладан, жаҳон чемпионатига аккредитациядан ўтган ва ўйинларга чипта сотиб олган фуқаролар шаҳар жамоат транспортидан бепул фойдаланишлари мумкин. Бунинг учун сиз аккредитация карталари ёки чипталарни тақдим этишингиз керак.

Шунингдек, 10-сентябрдан 10-октябрга қадар “Тошкент – ​​Бухоро”, “Тошкент – ​​Андижон – Тошкент”, “Андижон – Бухоро – Хива – Андижон”, “Андижон – Бухоро – Қўнғирот” – Андижон” ва “Андижон – Термиз – Андижон” йўналишларида ҳаракатланувчи йўловчи поездларга қўшимча 4 тадан йўловчи вагонлари уланади.