Франция разведка хизматлари Париждаги Олимпиада ўйинлари вақтида учта терактнинг олдини олди. Бу ҳақда Франция аксилтеррор прокуратураси раҳбари Оливе Кристен маълум қилди.
Биринчи ҳужум Олимпия турнирининг бир нечта футбол ўйинлари бўлиб ўтаётган Сент-Этьен шаҳридаги "Жеффрой Гуичард" стадиони ҳудудидаги барларда режалаштирилган эди. Асли чечен бўлган 18 ёшли йигитга нисбатан жиноий иш қўзғатилиб, май ойи охирида ҳибсга олинган.
Иккинчи ҳужум мусобақа давомида Париждаги “Исроил муассасалари ёки Исроил миссиялари”ни нишонга олди. Бироқ, исроиллик спортчилар террорчиларнинг нишони бўлмаган, деб таъкидланди.
"Ушбу ҳужумларни режалаштирганларнинг барчаси ҳибсга олинди", деди Кристен. Натижада беш киши, жумладан, битта вояга етмаган шахс жиноий жавобгарликка тортилди.
