"Манчестер Сити" 2023-йилнинг февралида Премьер-лиганинг молиявий қоидаларини 115 марта бузганликда айбланган эди.
Ишнинг ҳажмини ҳисобга олсак, суд жараёни жуда узоқ давом этади.
Ҳозирча бу иш тингловга ҳам етиб бормаган. Transfer News Live нашрининг хабар беришича, «Манчестер Сити» иши бўйича суд мажлислари келаси душанба куни бошланади.
Айтиш жоизки, бу иш бўйича ҳукм яқин орада чиқмаслиги аниқ.
Аввалроқ матбуотда суд жараёни натижасида "шаҳарликлар" дуч келиши мумкин бўлган турли жазолар ҳақида ёзилган эди.
Бу ҳатто «Манчестер Сити»ни Англия Премьер-лигасидан чиқариб юборишгача ҳам бориши мумкин.
