Бундеслиганинг бир қатор клубларининг собиқ ҳимоячиси Кристофер Ленц “Хоффенхайм” билан шартнома имзолади.
Ленц "РБ Лейпциг" билан келишуви тугаганидан кейин узоқ вақт шартномасиз қолди.
“Хоффенхайм” спорт директори Фрэнк Крамер нима учун клуб футболчини ўз сафига қўшишга қарор қилганини тушунтирди.
“Кристофер - Бундеслиганинг тажрибали футболчиси, у ҳам марказий ҳимоячи, ҳам чап қанот ҳимоячиси сифатида ўйнай олади.
Олдинда бизни кўплаб ўйинлар кутиб турибди, жароҳатлар ҳақида ҳам унутмаслигимиз керак. Бундай футболчи албатта клубимизга ёрдам бера олади", - дея Крамернинг сўзларини келтиради «Хоффенхайм» матбуот хизмати.
Ленц Бундеслигада 98 та ўйин ўтказган. У "Унион"га мамлакатнинг асосий лигасига чиқишга ёрдам берди ва "Айнтрахт" билан Европа лигасида ғолиб чиқди.
