"Арсенал" бош мураббийи Микель Артета шимолий Лондон дербисида "Тоттенхэм" устидан қозонилган ғалабадан сўнг фикр билдирди.

"Бу ақл бовар қилмас натижа. Терма жамоа ўйинлари учун танаффусдан сўнг бизда бир қанча кадрлар муаммоси юзага келди.

Жамоа ажойиб жавоб қайтарди. Бу бизнинг юксак етуклигимизни кўрсатади. Бизга муҳим ўйинчилар етишмаяпти, аммо жамоанинг жавобидан жуда мамнунман.

Биз мослашишимиз, бошқа футболчилар ва уларнинг сифатларидан фойдаланишимиз керак эди. Жамоа яхши эди.

Чуқур ҳимояланишга тўғри келганда, биз буни яхши бажардик. Биз баъзи нарсаларни яхшилашимиз керак, лекин биз яна бир ғалабага эришдик, жуда катта ғалаба.

Мухлисларимиз бунга қандай муносабатда бўлишини биламан, шунинг учун биз бундан завқланяпмиз", деди Артета.