"Милан" бош мураббийи Пауло Фонсека Чемпионлар лигаси умумий босқичи 1-турида "Ливерпуль" билан уй учрашувидан олдинги фикрлари билан ўртоқлашди.
"Ливерпуль" — ажойиб жамоа, айни дамда Европадаги энг кучли жамоалардан бири. Улар позицион ва индивидуал жиҳатдан жуда кучли, бу футболчиларни барчамиз яхши биламиз. Ғалаба қозониш учун мукаммал ҳимояланишимиз керак.
Чемпионлар лигасида бундай турдаги жамоаларга қарши хатога йўл қўйиб бўлмайди. Ҳар бир хато голга қимматга тушади. Кейин ҳужумда имкониятларга эга бўлишимиз учун ҳимояда ишончли ўйнашимиз керак бўлади.
"Ливерпуль" фаворит эканлигига қўшиламанми? Биз хоҳлаган нарсани айта оламиз. Муҳими, майдонда нима қилишимиз. Энг муҳими, ўзимизни қандай ҳис қиляпмиз. Биз эса "Ливерпул"ни мағлуб эта олишимизни ҳис қиламиз ва хоҳлаймиз" - деди Фонсека матбуот анжуманида.
Жамоалар ўртасидаги ўйин 17 сентябрь куни Миланда бўлиб ўтади ва Тошкент вақти билан соат 23:59да бошланади.
