"Milan" bosh murabbiyi Paulo Fonseka Chempionlar ligasi umumiy bosqichi 1-turida "Liverpul" bilan uy uchrashuvidan oldingi fikrlari bilan o‘rtoqlashdi.
"Liverpul" — ajoyib jamoa, ayni damda Yevropadagi eng kuchli jamoalardan biri. Ular pozision va individual jihatdan juda kuchli, bu futbolchilarni barchamiz yaxshi bilamiz. G‘alaba qozonish uchun mukammal himoyalanishimiz kerak.
Chempionlar ligasida bunday turdagi jamoalarga qarshi xatoga yo‘l qo‘yib bo‘lmaydi. Har bir xato golga qimmatga tushadi. Keyin hujumda imkoniyatlarga ega bo‘lishimiz uchun himoyada ishonchli o‘ynashimiz kerak bo‘ladi.
"Liverpul" favorit ekanligiga qo‘shilamanmi? Biz xohlagan narsani ayta olamiz. Muhimi, maydonda nima qilishimiz. Eng muhimi, o‘zimizni qanday his qilyapmiz. Biz esa "Liverpul"ni mag‘lub eta olishimizni his qilamiz va xohlaymiz" - dedi Fonseka matbuot anjumanida.
Jamoalar o‘rtasidagi o‘yin 17 sentyabr kuni Milanda bo‘lib o‘tadi va Toshkent vaqti bilan soat 23:59da boshlanadi.
