"Бавария" спорт директори Макс Эберль жамоа бош мураббийи Венсан Компани ҳақида гапирди.
Эслатиб ўтамиз, "Бавария" бельгиялик мутахассис қўл остида мавсумни ишончли бошлади. Жамоа айни дамда Бундеслига турнир жадвалида пешқадамлик қилмоқда.
“Компани - “Бавария” учун яхши мураббий. У нима истаётганини аниқ билади ва ташқарида содир бўлаётган нарсаларга эътибор қилмайди. Венсан ҳам инсоний нуқтаи назардан жуда яхши, чунки унда эмпатия ҳисси бор. "Бавария" сўнгги йилларда турғун ва бир жойда қолиб кетди, шунинг учун биз вазиятни ўзгартириб, янги нарсани синаб кўрмоқчи бўлдик", - дея Эберлнинг сўзларини келтиради BR 24.
