"Ливерпуль" дарвозабони Алиссон Беккер Чемпионлар лигаси бошланиши арафасида турнирнинг янги формати ҳақида гапирди.
Бразилиялик футболчининг сўзларига кўра, ўйинлар сонини кўпайтириш борасида футболчиларнинг фикрларини ҳеч ким инобатга олмайди.
"Мухлислар учун бу яхши янгилик, лекин баъзида ҳеч ким футболчилардан ўйинлар сонининг кўпайишига муносабатини сўрамайди.
Кўриниб турибдики, футболчиларнинг фикри ҳеч кимни қизиқтирмайди", - деди Алиссон.
Эслатиб ўтамиз, "Ливерпуль" бугун "Милан"га қарши майдонга тушади. Ўйин соат 23:59да бўлиб ўтади.
