«Бавария» дарвозабони Мануэль Нойер Чемпионлар лигасида энг кўп ўйин ўтказган 10 нафар футболчи қаторига киради.
Бугун Загребнинг «Динамо»сига қарши ўйин мюнхенликларнинг 38 ёшли сардори учун бутун фаолияти давомида Чемпионлар лигасидаги 141-ўйин бўлади. Немис дарвозабони шу тариқа «Манчестер Юнайтед»нинг собиқ футболчиси Раян Гиггз билан тенглашади, у ҳам 141 та ўйин ўтказган.
Юқорида Рауль ва Серхио Рамос (142 та), Хави, Тони Кроос ва Томас Мюллер (151 та), Карим Бензема (152), Лионель Месси (163), Икер Касильяс (177) ва Криштиану Роналду (183) бор.
