Юлиан Нагельсманн Германия терма жамоаси билан 2026 йилги жаҳон чемпионатида ғолиб чиқишни истамоқда.
"Биз жаҳон чемпиони бўлишни хоҳлаймиз. Барча мени танқид қиладиган экспертлар учун: "биз хоҳлаймиз", "бўламиз" эмас. Катта фарқ бор. Биз бу мақсад учун боримизни бермоқчимиз ва бунга эриша олишимизга ишонаман.
Биз кўп ўзгаришлар қилмаймиз, чунки терма жамоа таркиби жуда ва жуда уйғун. Миллатлар лигасида ғалаба қозониш учун жамоа тузиб, кейин 2026 йилги жаҳон чемпионатига 35-36 ёшли ўйинчиларни қўйишдан фойда йўқ. Ўша жаҳон чемпионатида бошқа жамоа ўйнайди.
Биз футболчиларга ҳар бир дақиқадан фойдаланишлари кераклигини тушунтирдик, бу режанинг жуда муҳим қисмидир" - деди Германия терма жамоаси бош мураббийи Digital X.D анжуманида.
Охирги марта Германия 2014 йилда жаҳон чемпионлигини қўлга киритган. Охирги икки жаҳон чемпионатида жамоа гуруҳдан чиқа олмади. Жамоа ФИФА рейтингида 13-ўринни эгаллаб турибди.
