Италиялик мутахассис Стефано Пиоли “Ан-Наср”даги фаолиятини йирик ғалаба билан бошлади – жамоаси Стивен Жеррард бош мураббийлигидаги “Ал-Иттифоқ” дарвозасига жавобсиз учта гол урди. Жамоанинг сўнгги ўйиндаги биринчи голи Криштиану Роналду томонидан киритилди. Яна саудиялик футболчи Салем Ал-Найди ўзини кўрсатган бўлса, Европа футболининг яна бир номдор футболчиси Талиска ўйинга нуқта қўйди.
Эслатиб ўтамиз, Стефано Пиоли Саудия Арабистонида ишлашдан олдин “Милан”га беш йил мураббийлик қилган ва у 2022 йилда чемпионлик унвонини олишга муваффақ бўлганди. Саудия Арабистонидан олдин у фақат Италияда ишлаган.
