"Реал Мадрид" яна бир бор биринчи бўлимни голсиз ўтказди. Бу сафар Карло Анчелотти шогирдлари "Сантьяго Бернабеу"да "Эспаньол" дарвозасига 1-таймда тўп кирита олмади – жамоалар танаффусга 0:0 ҳисобида йўл олишди. Иккинчи бўлимда "қироллик клуби" 4:1 ҳисобида ғалабага эришди.
"Лос-Бланкос" учун бу биринчи бўлимда гол урилмаган барча турнирлардаги қаторасига олтинчи ўйин бўлди.
"Реал Мадрид"нинг биринчи бўлимдаги сўнгги голи бир ойдан кўпроқ вақт олдин - Ла Лиганинг 1-тури доирасида "Мальорка" билан ўйинда (1:1) содир бўлганди, ўшанда Родриго 13-дақиқада ҳисобни очганди.
