Криштиану Роналду "Ан-Наср"нинг янги бош мураббийи қарорига кўра учрашувни ўтказиб юборди.
Бугун Саудия Арабистони Қирол кубоги 1/16 финалида "Ан-Наср" сафарда "Ал-Хазем"ни мағлуб этди (2:1). Криштиану ўйин учун қайдномага киритилмади.
Бу жамоа бош мураббийи Стефано Пиоли ташаббуси билан содир бўлди. Италиялик мутахассис 39 ёшли сардорга миллий чемпионат ва Осиё чемпионлар лигасидаги муҳим учрашувлар олдидан дам беришга қарор қилди. Роналду яқинда вирусли инфекциядан азият чеккан эди.
Португалиялик футболчи жорий мавсумда 6 та ўйинда 5 та гол урди ва 2 та голли узатмани амалга оширди.
