Инсайдер Фабрицио Романо «Челси»нинг франциялик ҳимоячиси Уэсли Фофана ҳақида ўз фикрлари билан ўртоқлашди.
«Уэсли Фофана бу ёзда «Челси»да ишлашни давом эттиришга қарор қилди ва у мухлислар унинг ҳақиқий салоҳиятининг атиги 10-20 фоизини кўрганини ҳис қилмоқда. У жароҳатдан кейин вақт кераклигини тушунади, лекин у лойиҳанинг бир қисми бўлишни хоҳлайди. У «Челси» асосий таркибига қайтмоқчи», - деди Романо.
2022 йилнинг ёзида «Челси» 23 ёшли француз учун «Лестер»га 82,5 миллион евро тўлаганди. Ўшандан бери Фофана 24 та ўйин ўтказиб, 67 тасини жароҳат туфайли ўтказиб юборган.
