Бугун "Насаф" ёшлари ўз майдонларида “Металлург” қаршилигини енга олишмади.

Учрашув қаршиликларнинг устунлиги билан бошланди. Дастлаб Шерзод Аъзамов чиройли тарзда боши билан дарвозани ишғол этганди. Аммо қанот ҳаками уни ўйиндан ташқари ҳолатда эканлигини қайд этди. Кейинчалик Элдор Бойматовнинг чамаси 20 метрлардан йўллаган зарбаси дарвоза устунига тегиб қайтди.

32-дақиқада Муроджон Тўйчибоевнинг чамаси 30 метрлар узоқликдан Михаил Наумов қўриқлаётган дарвозанинг яқин бурчагини аниқ нишонга олди - 0:1. 39-дақиқага келиб Аннаматов шогирдларининг тезкор комбинацион ҳужуми ажойиб гол билан якунланди. Азизбек Маликов ҳимоячидан чаққонлик билан ўтиб кетди ва қулай вазиятда турган Бойматовни тўп билан таъминлади. Элдор эса кучли ва аниқ зарбаси билан мувозанатни тиклади - 1:1.

Иккинчи бўлимда ҳам ҳар иккала жамоа аъзолари ҳисобда олдинги чиқиб олишлари учун бир қатор имкониятларга эга бўлишди. Аммо улардан самарали фойдаланишда ҳар иккала томон ҳам оқсади. Натижада ўйин дуранг натижа билан интиҳо топди.

Ёшлар лигаси. 7-тур. 03.05.2013
“Насаф” – “Металлург” 1:1 (1:1)
Қарши шаҳри. “Насаф” стадиони.
Ҳакамлар: Сергей Ивлев, Фарҳод Усмонов, Шоҳжаҳон Муҳсинов, Жанон Ҳамидов.
Назоратчи: Евгений Валицкий.
“НАСАФ”: 1. Михаил Наумов, 2. Шерзод Аъзамов (25.Сарвар Холмуродов, 63), 4. Мирзамурод Жўрабоев, 9. Элдор Бойматов, 10. Азиз Маликов (16. Дониёр Нарзуллаев, 85), 11. Жавоҳир Ашуров, 13. Тоҳир Абдураззоқов (с) (23. Жамолиддин Машарипов, 83), 14. Илҳом Усубжонов, 18. Улуғбек Дадабоев (17. Обид Мамотов, 64), 19. Миржалол Мўминов (8. Шоҳруҳ Қурбонов, 87), 22. Нажмиддин Нормуродов.
“МЕТАЛЛУРГ”: 35. Раҳимжон Раҳмонбердиев, 2. Низомжон Эсонов (с), 3. Жасур Аҳмедов (с), 4. Лазиз Нуриддинов, 5. Муроджон Тўйчибоев, 7. Бурҳон Шодиёров, 9. Жасур Бобоев (15. Миртўра Акбаров, 46), 11. Саиджон Абдужабборов, 14. Шоҳназар Норбеков (21. С.Тошпўлатов, 78), 19. Омаджон Нишонов, 22. Никита Свиридов.
Голлар: Элдор Бойматов (39) – Муроджон Тўйчибоев (32).
Огоҳлантиришлар: Бойматов (13), Свиридов (66), Нишонов (87), Нормуродов (90).