Ярим оғир вазн тоифасида UFC чемпионлиги учун даъвогар, россиялик аралаш якка кураш устаси Магомед Анкалаев ташкилот билан янги шартнома бўйича келишувга эришган.
Бу ҳақда унинг менежери Али Абдель-Азиз хабар бермоқда.
"Магомед UFC билан янги шартнома тузганидан хурсанд. У камар учун жанг килишга ҳакли. Аслида, унга имкон беришмагани беъманилик.
Агар Анкалаев Ракични мағлуб этса, у камар учун жанг килади. Ҳар ҳолда UFC шундай бўлишини айтди", деди Абдель-Азиз.
Маълумот ўрнида, Анкалаевнинг кейинги жанги 26 октябрь куни UFC 308 турнири доирасида Александр Ракичга қарши бўлиб ўтади.
