Мадриднинг “Реал” клуби бош мураббийи Карло Анчелотти Испания чемпионатининг 7-тури доирасидаги “Алавес”га (3:2) қарши ўйиндан сўнг ҳужумчи Килиан Мбаппенинг ҳолати ҳақида гапирди.
Ҳужумчи ўйинни асосий таркибда бошлади, 1 та гол урди ва 80-дақиқада алмаштирилди. Ўйиндан сўнг 25 ёшли франциялик футболчи кичик жароҳат олгани ҳақида маълумот пайдо бўлди.
"Килиан бироз кўп ўйнаб юборди ва муаммога дуч келмаслик учун уни алмаштиришни сўради", - дея Анчелотти сўзларини келтиради AS.
Жамоа сафида 9та ўйинда майдонга тушган ҳужумчи 7та гол урди ва 1та голли узатмани амалга оширди.
