Луис Энрике "Барселона"нинг Хави қўл остидаги ўйинини "Эйбар" билан таққослади.
30-сентябрь куни Movistar телеканали “ПСЖ” бош мураббийининг француз клубидаги ҳаёти ҳақидаги мини ҳужжатли фильмнинг биринчи қисмини намойиш этади.
Фильмнинг асосий сюжет чизиғи парижликларнинг Чемпионлар лигасидаги саёҳати бўлиб, унинг марказий лаҳзаларидан бири “Барселона”га қарши чорак финал учрашуви бўлади.
Сериалда Хави ва Луис Энрике ўртасидаги мураббийлик дуели алоҳида таъкидланган. Энрике собиқ клубининг Хави қўл остидаги даврини эслади.
"Барселона" кучли жамоа эмас ва ҳимояда ҳам кучли эмас. Уларда ҳимояда сифат йўқ.
Улар узоқ паслар билан ўйнашади. Тер Штеген энг кўп узоқ паслар бўйича рекордни янгилади. Улар “Эйбар”га ўхшаб ўйнашади", — деди Луис Энрике.
