Рафаэль Варан футболдаги фаолиятини якунлади.
31 ёшли ҳимоячи профессионал фаолиятини якунлашга қарор қилди. Бунга францияликнинг сўнгги пайтларда олган жароҳатлари сабаб бўлиши мумкинлиги хабар қилинганди.
Ёзги трансфер ойнаси вақтида "Ланс", "Реал Мадрид" ва "МЮ" собиқ футболчиси "Комо"га эркин агент сифатида қўшилди. У янги жамоаси сафида Италия кубоги доирасидаги "Сампдория"га қарши ўйинда (1:1, пенальтилар бўйича 3:4) дебют қилди, бироқ ўйиннинг 23-дақиқасида сони жароҳати туфайли алмаштирилди. У шу жароҳати сабаб мавсумнинг қолган қисмини ўтказиб юбориши аниқ бўлди.
