Сешанба оқшомида "Манчестер Сити" Англия лига кубоги 3-босқичида "Уотфорд"ни 2:1 ҳисобида мағлуб этди. Ўйиндан сўнг "шаҳарликлар" бош мураббийи Пеп Гвардиола ўйинлар сони кўп бўлгани учун асосий эътиборни АПЛ ва Чемпионлар лигасига қаратишини маълум қилди.
"Сизга айтишим мумкинки, кейинги босқичда ҳам иккинчи таркиб ўйнайди. Биз энергияни беҳуда сарфламаймиз, бу аниқ. Акс ҳолда биз зич тақвимга бардош бера олмаймиз", деди Гвардиола журналистларга.
"Манчестер Сити" навбатдаги ўйинини 28 сентябрь, шанба куни АПЛ доирасида "Ньюкасл"га қарши ўтказади.
