"Барселона" тез орада жароҳат олган Марк-Андре тер Штеген ўрнига янги дарвозабон билан шартнома имзолаши керак.
32 ёшли германияликнинг ўрнини Войцех Шесни эгаллаши кутилмоқда. Бу маълумот клуб томонидан ҳали тасдиқланмаган, бироқ бош мураббий Ханс-Дитер Флик ҳақиқатдан ҳам янги дарвозабонни таклиф қилиш имконияти кўриб чиқилаётганини яширмади.
"Деку ва мен тажрибали дарвозабон билан шартнома имзолашимиз керакми, деган саволни муҳокама қилмоқдамиз. Иняки 25 ёшда, қолган барча посбонлар жуда ёш, шунинг учун биз янгисини таклиф қилиш ҳақида ўйлаяпмиз. Кўрамиз", - деди Флик "Хетафе" билан ўйиндан кейин испан журналистлари билан суҳбатда.
