"Барселона" футболчиси Ламин Ямал "Хетафе" билан ўйинни (1:0) якунлаганидан кейин ўзини ноқулай ҳис қилди. 17 ёшли вингер Ла Лиганинг 7-туридан ўрин олган учрашувда финал ҳуштаги чалингунча майдонда эди, бироқ ўйин тугагач, оқсоқланиб майдонни тарк этди.
Журналист Адриа Альбетснинг клубдаги манбаларига таяниб хабар беришича, Ямалнинг аҳволи ташвиш туғдирмайди. У шунчаки бироз лат еган бўлиши мумкин. "Барселона" футболчи билан ҳаммаси яхши эканлигига ишонмоқда.
Ламин Ямал ушбу мавсумда саккизта ўйинда тўртта гол урди ва бешта голли узатмани амалга оширди. 28 сентябрь куни Ханс-Дитер Флик шогирдлари “Осасуна”га қарши баҳс олиб боради.
