Англия терма жамоаси Гарет Саутгейт кетганидан кейин доимий бош мураббий қидирмоқда, аммо ҳозирча Ли Карсли вақтинчалик жамоа билан ишламоқда. Англия футбол ассоциацияси Пеп Гвардиолани терма жамоа бош мураббийлигига тайинламоқчи. Бироқ, бир ньюанc бор - ҳаммаси "Манчестер Сити" ва Премьер-лига ўртасидаги молиявий фейр-плей суди натижасига боғлиқ бўлади. Бу ҳақда Daily Mail нашрига таяниб, Transfer News Live хабар бермоқда.

Хабарингиз бор, "Манчестер Сити" молиявий қоидаларни 115 марта бузганликда айбланиб, жиддий жазоланиши мумкин эди. Тахминларга кўра, агар жазо қаттиқ бўлса, Пеп Гвардиола клубни тарк этиши мумкин. Унинг амалдаги шартномаси 2025 йилнинг ёзига қадар мўлжалланган.