Марк Лоуренсон Трент Александр-Арнолднинг келажаги ҳақида ўз фикри билан ўртоқлашди.

"Менимча, Трент Премьер-лиганинг барча даврлардаги энг яхши ўнг қанот ҳимоячиларидан бири. Тўп узатиш борасида у каби ўнг қанот ҳимоячисини ҳеч қачон кўрмаганман деб ўйлайман.

У, эҳтимол, дунёнинг энг яхши ҳимоячиларидан бири эмасдир, лекин бунинг аҳамияти йўқ, чунки у бошқалар кўрмайдиган пасларни кўради – “Ипсвич”га қарши мавсумнинг биринчи ўйинида Муҳаммад Салоҳга берган бу пас ажойиб эди.

Аммо Трент келаси мавсум бошида бу клубда бўлади деб ўйламайман - менимча, уни "Реал Мадрид"да ўйнаш имконияти ўзига жалб қилиши мумкин.

У ерда унинг Англия терма жамоасидаги жамоадоши Жуд Беллингем бор ва мен уни кейинги мавсумда ўша ерда кўраман", – деди Лоуренсон.