"Ювентус" ҳужумчиси Душан Влахович жамоанинг жорий мавсум чемпионликни қўлга киритиш имкониятлари ҳақидаги саволга жавоб берди.
Турин гранди 2020 йилдан бери скудеттони қўлга кирита олмаяпти. Сўнгги А Серияда жамоа учинчи ўринни эгаллади. Ёзда Тиаго Мотта Массимилиано Аллегри ўрнига "бьянконери" бош мураббийи лавозимини эгаллади.
"Скудетто? Бу ўзимизга қарши кураш бўлади", - дейди Влахович. - Кўп жамоалар чемпионлик учун курашишга қодир, аммо бу ҳақда ҳукм чиқаришга ҳали эрта. Шубҳасиз, ўтган мавсумда энг зўр "Интер" бўлди, у ниҳоятда кучли, аммо бу сафар ҳаммасини майда-чуйда деталлар ҳал қилади", — деди сербиялик форвард DAZN нашрига берган интервьюсида.
