"Ливерпуль" ўнг қанот ҳимоячиси Трент Александр-Арнольд жамоаси билан шартномасини узайтирмоқчи.
25 ёшли футболчининг шартномаси келаси йилнинг июнь ойи охирида тугайди, миш-мишларга кўра, "Реал Мадрид" бундан унумли фойдаланмоқчи. Бироқ Football Insider хабарига кўра, Ла Лига гиганти учун англияликни ишонтириш қийин бўлади: у "қизиллар" билан шартномасини узайтиришни ва ўз клубида ўйнашни давом эттиришни афзал кўрмоқда. Футболчи "Энфилд"да бахтли, шунинг учун у "Реал" ҳақида гапириладиган бўлса ҳам, ҳеч қаерга кетишни истамайди.
"Ливерпуль" - Трент Александр-Арнольднинг профессионал фаолиятидаги ягона клуб. Ҳимоячи мерсисайдликлар сафида 300 дан ортиқ ўйин ўтказган.
