Ўтган дам олиш кунлари «Манчестер Сити» ва «Арсенал» ўртасида 2:2 ҳисобида дуранг қайд этилганди. Ўйин ҳиссиётларга бой бўлиб, майдонда футболчилар ўртасида тўқнашувлар юзага келди. «Канонирлар» бош мураббийи Микель Артета ўша ўйин унинг Пеп Гвардиола билан муносабатларига қандай таъсир қилгани ҳақида гапирди.
“Менга Пеп ёқади, мен уни ҳурмат қиламан. Мен унинг жамоасига ва қилаётган ишларига қойил қоламан. Аммо спорт ҳам бор, шахсий муносабатлар ҳам бор. Агар Пеп билан муносабатларим дуранг ўйнаганимиз ёки кимдир кимнидир калтаклаганимизга боғлиқ бўлса, мен у билан узоқ вақт гаплашмаган бўлардим. Бу спорт ва у ҳеч қачон шахсий муносабатларга таъсир қилмайди", деди Артета матбуот анжуманида.
