«Барселона» бош мураббийи Ханс-Дитер Флик ҳимоячи Жюль Кунде ҳақида гапирди. Немиснинг фикрича, франциялик ҳимоячи ўзини ҳаддан ташқари профессионал тутади.

«Эҳтимол, сиз Кундедан дам олишни сўрарсиз?» – деди Флик ҳазил билан журналистга. «Мен илгари ҳеч қачон бундай футболчига дуч келмаганман. Ўйиндан кейин ҳам у машғулот ўтказмоқчи. Бу нормал эмас. Мен унга «Бугун фақат тикланиш» деб айтаман. Ва у майдонда ишламоқчиман, деб жавоб беради. У ажойиб профессионал ва ўз формасига катта эътибор беради. Сиз бундайларни тез-тез учратмайсиз».

«Барселона» Ла Лиганинг навбатдаги ўйинини 28 сентябрь, шанба куни сафарда «Осасуна»га қарши ўтказади.