"Манчестер Юнайтед" бош мураббийи Эрик тен Хаг ўзи ва жамоага бўлаётган танқидларга муносабати ҳақида гапирди.
"Танқидни ҳурмат қилиш муҳим. Ҳар бир инсоннинг футболга ўз қараши бўлиши мумкин. Мураббий бўлиб ишлаганингизда, бу билан шуғулланишингиз керак, лекин мен барча танқидларни ҳам тингламайман.
Мен ҳамма нарсани ўқимайман, чунки бунинг иложи йўқ ва мени бу нарсалар қизиқтирмайди. Баъзида бирор нарсани ўрганишга ҳаракат қиламан, фойдали маслаҳатлар бор. Лекин мен учун асосийси хотиржамликни сақлаш ва жамоа ривожланишнинг қайси босқичида эканлигини, қаерда яхшиланишимиз мумкинлигини кўриш", - дея Тен Хагнинг сўзларини келтиради The United Stand.
