"Ливерпуль" бош мураббийи Арне Слот жамоанинг Премьер-лигадаги ҳозирги ҳолати ҳақида фикр билдирди.
"Менимча, ҳамма вазиятни оқилона баҳолайди. Барча ўйинчилар шу қадар катта тажрибага эгаки, улар бир мавсумда олтита ўйин турнир жадвалининг ҳақиқий кўринишини бера олмаслигини тушунишади.
Аммо ҳамма тушуниб турибдики, агар дастлабки олтита ўйиннинг тўрт-бештасида мағлуб бўлганимизда, фикрларимиз бироз бошқача бўларди", — дея Слот сўзларини келтиради клуб матбуот хизмати.
Англия чемпионатининг 6-туридан сўнг "Ливерпуль" 15 очко жамғариб, АПЛ турнир жадвалида пешқадамлик қиляпти.
