Мадриднинг "Атлетико" клуби ҳужумчиси Антуан Гризманн тез орада "Интер Майами"га ўтиши мумкин.

Франциялик футболчи фаолиятини якунлаш арафасида МЛСда ўйнашни хоҳлашини бир неча бор тан олган. "Лос-Анжелес" форвардга асосий даъвогар ҳисобланган, миш-мишларга кўра, у юлдуз футболчини келаси ёзда сотиб олишни режалаштирган. Inter Miami News Hub хабарига кўра, Гризманн қишдаёқ Қўшма Штатларга кўчиб ўтиши мумкин - лекин "Лос-Анжелес"га эмас, балки "Интер Майами"га. У ерда футболчи "Барселона"даги биргаликдаги ўйинларидан таниш бўлган Лионель Месси, Луис Суарес, Жорди Альба ва Серхио Бускетс билан яна бирлашиши мумкин.