Хави жамоани 2021 йилда бошқарган ва 2023/24 йилги мавсум охирида жамоани тарк этганди. У каталонияликлар билан Ла Лига ва Испания Суперкубогини ютган.
Хави 27 январ куни "Вильярреал"дан учралган мағлубиятдан сўнг (3:5) матбуот анжуманида мавсум якунида фаолиятини якунлаганини эълон қилди. Кейинроқ клуб раҳбарияти мураббий қолаётганини маълум қилди, аммо якунда ёзда Хавини Ханс-Дитер Флик алмаштирди.
El Chiringuito дастурида 28 январ куни мураббий "Барса" ўйинчиларига истеъфога чиқишини эълон қилган видеолавҳа намойиш этилди.
"Ҳаммага салом. Осон кун эмас, биринчидан, кечаги ёмон натижа туфайли. Биз ҳамма нарсани таҳлил қиламиз ва нима бўлганини кўрамиз.
Ўйиндан кейинги матбуот анжумани олдидан сизга ҳеч нарса айтмаганимдан афсусдаман. Мен ҳамма нарсани узоқ вақт олдин қарор қилдим. Бу кечаги мағлубиятдан кейинги туйғулар эмас. Мен муаммога айлана бошладим", - деган эди Хави.
