«Манчестер Юнайтед» бош мураббийни ўзгартириш ҳақида ўйлаши мумкин, чунки Эрик тен Хаг бошчилигидаги натижалар қувонарли эмас. Ҳозирда «қизил иблислар» Англия Премьер-лигаси турнир жадвалида бор-йўғи ўн иккинчи ўринда бормоқда.
Журналист Ричард Мартиннинг ижтимоий тармоқларда ёзишича, агар июнь ойида тег Хаг ишдан бўшатилганда, «Манчестер Юнайтед» мураббийга 10 миллион фунт тўлаши керак бўларди. Энди эса мураббий билан шартнома узайтирилгач, товон пули 17,5 миллион фунтни ташкил қилади.
«Манчестер Юнайтед»нинг навбатдаги ўйини 3 октябрь, пайшанба куни Европа лигаси доирасида «Порту»га қарши бўлади.
