«Manchester Yunayted» bosh murabbiyni o‘zgartirish haqida o‘ylashi mumkin, chunki Erik ten Xag boshchiligidagi natijalar quvonarli emas. Hozirda «qizil iblislar» Angliya Premyer-ligasi turnir jadvalida bor-yo‘g‘i o‘n ikkinchi o‘rinda bormoqda.

Jurnalist Richard Martinning ijtimoiy tarmoqlarda yozishicha, agar iyun oyida teg Xag ishdan bo‘shatilganda, «Manchester Yunayted» murabbiyga 10 million funt to‘lashi kerak bo‘lardi. Endi esa murabbiy bilan shartnoma uzaytirilgach, tovon puli 17,5 million funtni tashkil qiladi.

«Manchester Yunayted»ning navbatdagi o‘yini 3 oktyabr, payshanba kuni Yevropa ligasi doirasida «Portu»ga qarshi bo‘ladi.