Сешанба оқшомида "ПСЖ" ўз мухлисларини хурсанд қилмади. Луис Энрике шогирдлари Чемпионлар лигасининг 2-турида “Арсенал”га сафарда 0:2 ҳисобида имкониятни бой берди. Ўйиндан сўнг парижликларнинг испаниялик мураббийи журналистнинг тактика ҳақидаги саволига жавоб бермади.
"Йўқ, мен ўз тактикамни тушунтирмайман, чунки барибир буни тушунмайсиз. Кўп нарсани тўғирлаш керак бўлади, лекин мен буни тушунтирмоқчи эмасман", - деди Энрике.
"ПСЖ" навбатдаги ўйинини 6 октябрь, якшанба куни ўтказади. Шу куни Луис Энрике шогирдлари Франция чемпионати доирасида меҳмонда “Ницца”га қарши баҳс олиб боради.
