Эдуардо Итурральде Гонсалес Тибо Куртуани дисквалификация қилиш учун ҳеч қандай сабаб кўрмаяпти.

Ла Лиганинг 8-туридан ўрин олган “Реал” – “Атлетико” учрашуви (1:1) 2-бўлимида "матрасчилар" мухлислари “Реал” дарвозабони Тибо Куртуага трибунадан нарсаларни отишни бошлагани сабабли ўйин тўхтатилди.

Бунгача бельгиялик футболчи Эдер Милитаонинг голини нишонлаш учун дарвоза орқасидаги трибуналар томон бурилиб: “Кет!” деб бақирди.

RFEF тартиб-интизом қўмитасига берган тушунтиришида "Атлетико" Куртуанинг "провокацион хатти-ҳаракати"га ишора қилиб, мумкин бўлган санкцияларни юмшатишга умид қилган.

Шу билан бирга, “Реал” дарвозабонининг ҳаракатлари ўйин ҳисоботида акс эттирилмаган, демак, унга нисбатан ҳеч қандай санкция қўлланилмайди.

"Агар ўйинчи ҳақиқатан ҳам мухлисларга қарата провакацияга йўл қўйган бўлса ва уларни ўзи бошласа, регламентда 4 тадан 12 та ўйингача дисквалификация кўзда тутилган.

Куртуа мисолида бу ҳатто сариқ карточка ҳам эмас. Рақобат қўмитаси аралаша олмайди", - деди Ла Лиганинг собиқ ҳаками.