Свен Ульрайх "Байер" делегацияси аъзоларини ҳақорат қилгани учун битта ўйинга дисквалификация қилинди.
"Бавария" дарвозабони "спортга зид хатти-ҳаракати" учун жазоланди. Шунингдек, у “Байер” билан ўйиндаги ҳодиса учун 20 минг евро жарима ҳам олган.
Бундеслиганинг 5-турида жамоалар дуранг қайд этишди (1:1). Кейинчалик ижтимоий тармоқларда Ульрайхнинг ғазабли баёнотлари акс этган видео пайдо бўлди.
Аввалига Мюнхен жамоасининг захира дарвозабони рақиблар вақт чўзаётганидан нолиди ва кейин Леверкузен клубидан кимгадир мурожаат қилди.
Шундан сўнг Германия футбол ассоциациясининг тартиб-интизом қўмитаси эпизодни текширишга киришди ва Ульрайх узр сўради.
