«Манчестер Юнайтед» марказий ҳимоячиси Харри Магуайр борасида бир қарорга келди. Эслатиб ўтамиз, англияликнинг Эрик тен Хаг жамоаси билан шартномаси ёзда якунига етади.
"Football Insider" хабарига кўра, «Манчестер Юнайтед» раҳбарияти Магуайр билан шартномани узайтирмоқчи. Клуб аслида англияликни таркибда сақлаб қолишни истамаяпти, аммо бу қарорга футболчини текинга йўқотиш қўрқуви сабаб бўлмоқда. «Манчестер Юнайтед» Харри учун ҳеч бўлмаганда озроқ пул олишни афзал кўради.
Эслатиб ўтамиз, 2019 йилнинг ёзида «Манчестер Юнайтед» Магуайр учун «Лестер»га 80 миллион евродан ортиқ товон пули тўлаганди. харри сўнгги йилларда «қизил иблислар»нинг асосий таркибидаги ўрнини йўқотди.
