Хабар берганимиздек, ҳайъат олди йиғилишида бир қатор вазифалар кўриб чиқилди. Жумладан, йиғилишда спорт мактаблари фаолиятини ривожлантиришда йўл қўйилаётган камчиликлар, ижтимоий ва ишлаб чиқариш инфратузилмасини ривожлантириш дастурларига киритилган лойиҳалар ижроси, келгуси йил учун лойиҳа таклифларини шакллантириш, аҳолининг жисмоний тайёргарлик даражасини баҳолаш бўйича амалга оширилаётган ишлар натижадорлиги ва истиқболли вазифалар муҳокама қилинди.

Шунингдек, тизимда кадрлар билан ишлаш самарадорлигини ошириш, вакант лавозимларга салоҳиятли кадрларни жалб этиш ва ногиронлиги бўлган шахслар бандлигига кўмаклашиш масалалари ҳамда ижро интизомини мустаҳкамлаш ва мурожаатлар билан ишлаш масалалари таҳлил қилинди.