Xabar berganimizdek, hay’at oldi yig‘ilishida bir qator vazifalar ko‘rib chiqildi. Jumladan, yig‘ilishda sport maktablari faoliyatini rivojlantirishda yo‘l qo‘yilayotgan kamchiliklar, ijtimoiy va ishlab chiqarish infratuzilmasini rivojlantirish dasturlariga kiritilgan loyihalar ijrosi, kelgusi yil uchun loyiha takliflarini shakllantirish, aholining jismoniy tayyorgarlik darajasini baholash bo‘yicha amalga oshirilayotgan ishlar natijadorligi va istiqbolli vazifalar muhokama qilindi.
Shuningdek, tizimda kadrlar bilan ishlash samaradorligini oshirish, vakant lavozimlarga salohiyatli kadrlarni jalb etish va nogironligi bo‘lgan shaxslar bandligiga ko‘maklashish masalalari hamda ijro intizomini mustahkamlash va murojaatlar bilan ishlash masalalari tahlil qilindi.
