Мадриднинг "Реал" клуби Трент Александер-Арнольд трансфери устида иш бошлади.

Relevo нашри хабарига кўра, Мадрид клуби бўлажак футболчи билан боғлиқ вазиятни билиш ва шартноманинг муваффақиятли ўтиш имкониятларини баҳолаш учун "Ливерпуль" ҳимоячисининг атрофидагилар билан боғлана бошлаган. Қайд этилишича, “Реал” Трентнинг кўп қирралилигини қадрлайди ва уни Даниэль Карвахалнинг ўрнини босувчи футболчи сифатида кўради. Бундан ташқари, "Ливерпуль" ҳимоячиси Жуд Беллингем билан узоқ йиллик дўстликка эга ва бу "Реал Мадрид"нинг қизиқишига ҳам таъсир қилди.

Трентнинг "Ливерпуль" билан шартномаси 2025 йилда якунига етади. Айни дамда ҳимоячи янги шартнома борасидаги таклифларнинг бирортасига жавоб бермади.