Пеп Гвардиола молиявий айбловларга қарамай, "Манчестер Сити"га ишонч билдирди.

2023 йилнинг февралида Премьер-лига “Манчестер Сити”ни 2009-2018 йиллар давомида 115 та молиявий қоидаларни бузганликда айблади. Иш бўйича тингловлар бошланди ва ҳукм келаси йилнинг баҳоридан олдин чиқарилиши кутилмоқда.

"Мен бу клубнинг асосий қисмиман ва клубни ҳимоя қилишнинг энг яхши йўли ўйинларда ғалаба қозониш ва энг яхши ишни қилишдир. Мухлисларга хабар етказиш учун барча ОАВга энг кўп гапирадиган мураббий, клуб вакили бўлганим учун шу ердаман.

Ва, албатта, мен ўз клубимни ҳимоя қиламан, мен хўжайинга, алоқа бўлими раисига, бош директорга ва бу ерда йиллар давомида ишлаган барча одамларга ишонаман. Мен уларни жуда яхши биламан, сизлардан кўра кўпроқ. Ўзингизни ҳимоя қилишнинг энг яхши йўли - ўз ишингизни ўз кучингиз билан бажаришдир, бу ерда ишлайдиган ҳар бир киши масъулиятли.

Қолганларига келсак, албатта, саккиз-тўққиз йил ичида ҳар хил вазиятлар бўлган, улар доимо мавжуд. Улардан баъзилари кутилган, баъзилари эса кутилмаган. Ҳеч қандай шикоятлар йўқ, сиз нима қилишингиз керак бўлса шуни қиласиз. Мен бу клубнинг бир қисмиман, шунчаки мураббий эмас. Мен бу клубни яхши кўраман ва ҳар доим шундай бўлиб қоламан" - деди “Манчестер Сити” бош мураббийи жума куни бўлиб ўтган матбуот анжуманида.