Дортмунднинг «Боруссия» клуби вингери Карим Адейемига Англия чемпионатининг гранд клублари қизиқиш билдирмоқда.

Яқинда 22 ёшли футболчи «Селтик»га қарши ўйинда хет-трик қайд этди ва шу сабаб Чемпионлар лигасида ҳафтанинг энг яхши футболчиси деб топилди. "TBR" хабарига кўра, Адейемининг муваффақиятини «Манчестер Сити», «Ливерпуль» ва «Арсенал» яқиндан кузатиб боришмоқда. Немис футболчиси аввалроқ «Ювентус», «Бавария», «ПСЖ» ва «Барселона»га ўтиши мумкинлиги ҳақида хабарлар тарқалган эди.

Карим Адейеми Дортмунднинг «Боруссия» клуби сафида 8 та ўйинда майдонга тушиб, 5 та гол урди ва 5 та голли узатмани амалга оширди.