Ҳимоячи Дани Карвахаль тиззасидан жиддий жароҳат олиб, "Реал Мадрид" касалхонасига ётқизилди. Тажрибали футболчи тез орада сафга қайтмайди у 2024/2025 йилги мавсумда майдонга тушмайди.

Карвахаль жароҳат олганидан бир кун ўтиб "Реал Мадрид" футболчи билан шартномани узайтиришини эълон қилди. Янги меҳнат шартномаси 2026 йил июн ойи охиригача амал қилади.

"Реал Мадрид" Карвахални қўллаб-қувватлашини ва севгисини изҳор қилишни истайди ва тезроқ тузалиб кетишини тилайди, шунда биз унинг футболидан баҳраманд бўламиз", - дейилади клуб матбуот хизмати баёнотида.

“Реал” навбатдаги ўйинини 19 октабр, шанба куни меҳмонда “Сельта”га қарши ўтказади.