Энцо Маресканинг фикрича, "Челси" "Ноттингем Форест"га қарши ўйинда ғалаба қозонишга лойиқ эди.
"Ўйлайманки, биз ғалаба қозонишга ҳақли эдик. Улар жуда яхши жамоа ва биз улар яхши ҳимояланишларини билардик. "Брайтон"га қарши ўйиндан бутунлай фарқ қиладиган қийин ва хавфли ўйин бўлди. Биз тўпга эга бўлишда сабр қилдик ва вазиятлар яратдик.
Умуман олганда, яхши ўйнадик ва ўйлайманки, биз ғалаба қозонишга ҳақли эдик. Уларнинг дарвозабони учрашувнинг энг яхши футболчиси бўлди. Биз ўзимиз хоҳлагандек вазиятлар яратдик.
Учрашувларни таҳлил қиладиган бўлсак, "Кристал Пэлас"га қарши ўйин ҳам бугунгидек бўлди", - деди "Челси" бош мураббийи 1:1 ҳисобидаги дурангдан кейин.
