Франциялик собиқ ярим ҳимоячи Клод Макелеле Грециянинг "Астерас" клубини тарк этди. Бу ҳақда Sport24.gr хабар бермоқда, бироқ клуб расмий манбалари мураббийнинг истеъфоси ҳақида ҳамон сукут сақламоқда.
Аниқлик киритилишича, Макелеленинг истеъфога чиқишига мураббий ва клуб жамоаси ўртасидаги дунё қарашидаги фарқ сабаб бўлган.
Эслатиб ўтамиз, мутахассис бор-йўғи уч ҳафта олдин, сентябрь ойининг ўрталарида "Астерас"га қўшилган эди. Греция элита чемпионатининг ўтган етти тур натижаларига кўра, клуб тўққиз очко билан турнир жадвалининг ўрталарида еттинчи ўринда бормоқда.
