"Барселона" ярим ҳимоячиси Гави узоқ вақтдан сўнг майдонга қайтишга ҳозирлик кўрмоқда.
20 ёшли футболчи ўтган йилнинг ноябрь ойида Испания терма жамоаси сафида Грузияга қарши ўйинда хоч боғламларидан жароҳатлаганидан бери майдонга тушмаяпти. Баъзи маълумотларга кўра, Ханс-Дитер Флик шу ойдаёқ ярим ҳимоячига имконият бериши мумкин, аммо уни энг муҳим ўйинларда майдонга туширишга қарор қилиши даргумон.
Diario Sport хабарига кўра, "Барселона" Гавини эҳтиёткорлик билан ва аста-секинлик билан ўйинга киритиш керак деб ҳисобламоқда - шунинг учун у "Бавария" (23 октябрь) ва "Реал Мадрид" (26 октябрь) билан муҳим учрашувларда иштирок эта олмаслиги мумкин.
